蛋黃哥點心－－－點心代表

既然開左blog, 就寫返之前食過既餐廳啦!

今次介紹，係我近期最中意既人物－－－蛋黃哥啊～

蛋黃哥同點心代表合作，推出多款得意點心，

襯住週未，我去左試下！

未食到美食，先要等左一個多小時～～

唔係為左蛋黃哥，我真係唔會等！！！

終於入到去，首先叫左茶先，我地叫左人蔘茶，

初時飲有淡淡蔘味，覺得幾好味，但愈飲愈甘。

而且後來知道叫第款茶，會有奶黃哥杯墊送！即刻好後悔！

好喇，馬上介紹下D野食：

第一樣係蛋黃哥蝦餃，印有蛋黃哥招牌表情，好得意啊～～～

餃入面都有好多蝦肉，但略嫌個皮太厚，影響味道。

第二樣就係之前片段好紅既嘔奶奶黃包喇！我試驗過，篤下佢個口係真係可以嘔奶，

不過會令食相非常狠狽，所以勸大家都係乖乖咁食啦！

個包除左得意，奶黃係流心，而且熱辣辣又唔會太甜，推介！

最後係呢個飯，真係為左飽肚先叫。
有煙肉同瑤柱絲既炒飯，味道就真係好普通，唔係好夠味，有D失望。

總括黎講，現場都係情侶多，個人認為當拍拖節目是不錯的，

至少可以影靚相。但如果追求味道，還是叫它的正常點心好一點，而且價格也相對較抵。

餐廳： 點心代表

地址：尖沙咀彌敦道100號The ONE 3樓L308號舖

三號風球下的泰國風味 -- 水晶晶泰國餐廳

難得的週末，約了studio拍攝畢業照片，卻遇上三號風球。
影完相正煩惱去邊度食飯，竟然見到呢間平時頗多人既泰國餐廳有好多位，
所以決定一試！

先來了個生蝦，價錢沒有記錯是 ＄68，
以一般泰國菜黎講，呢個生蝦價錢絕對抵食，蝦都夠新鮮
配合醬料，有薄荷香味，好醒胃。

跟住就係水晶晶小拼盤，雖則叫小拼盤，但如圖可見，份量絕不"小"呢。
盤內有魚餅、蝦餅、春卷、雞棗及雞絲海哲，足夠4人食用，每人一件 岩岩好。

以下就係我覺得最抵食既推介 就係孖寶套餐喇～
二百幾蚊既價錢包括左原隻既咖哩炒蟹同埋半隻海南雞！

咖哩唔算太辣，好香椰奶味。蟹又夠肉地，唔會太削。

海南雞大部份已經去骨，啖啖肉又無雪味，可以配上甜豉油或泰式酸辣醬～好味。















另外，仲叫左飛天通菜同生菜包，只屬中規中舉，所以不多作介紹喇，哈哈。

甜品叫左芒果糯米飯，唔記得影相，可以揀黑白糯米混合。
芒果偏酸，而且價錢要＄48，不叫亦可。

餐廳：水晶晶泰國餐廳
地址 荃灣路德圍65-75號運通洋樓地下S舖

小蕃薯美食遊---開始

大家好, 我係Winki <3
平時最中意旅行同食野,
最近岩岩開始寫食評, 希望可以介紹到D好味既餐廳比大家! 請多多支持！
除左好味既餐廳，一D唔好食同唔抵食既都會講，希望可以比個參考大家啦。

除左呢個blog，仲可以係其他途徑可以睇到我既文章架

Openrice： winki Choi

http://www.openrice.com/zh/restaurant/userinfo.htm?userid=58269182

Facebook: www.facebook.com/winki.choi.14

Instagram: winkijai