三號風球下的泰國風味 -- 水晶晶泰國餐廳

難得的週末，約了studio拍攝畢業照片，卻遇上三號風球。
影完相正煩惱去邊度食飯，竟然見到呢間平時頗多人既泰國餐廳有好多位，
所以決定一試！

先來了個生蝦，價錢沒有記錯是 ＄68，
以一般泰國菜黎講，呢個生蝦價錢絕對抵食，蝦都夠新鮮
配合醬料，有薄荷香味，好醒胃。

跟住就係水晶晶小拼盤，雖則叫小拼盤，但如圖可見，份量絕不"小"呢。
盤內有魚餅、蝦餅、春卷、雞棗及雞絲海哲，足夠4人食用，每人一件 岩岩好。

以下就係我覺得最抵食既推介 就係孖寶套餐喇～
二百幾蚊既價錢包括左原隻既咖哩炒蟹同埋半隻海南雞！

咖哩唔算太辣，好香椰奶味。蟹又夠肉地，唔會太削。

海南雞大部份已經去骨，啖啖肉又無雪味，可以配上甜豉油或泰式酸辣醬～好味。















另外，仲叫左飛天通菜同生菜包，只屬中規中舉，所以不多作介紹喇，哈哈。

甜品叫左芒果糯米飯，唔記得影相，可以揀黑白糯米混合。
芒果偏酸，而且價錢要＄48，不叫亦可。

餐廳：水晶晶泰國餐廳
地址 荃灣路德圍65-75號運通洋樓地下S舖