平價海鮮刺身外賣~ Home Party

間唔中我都中意叫D 生蠔同埋刺身外賣返屋企慶祝,
一黎價錢平一大截, 二來又可以係屋企舒舒服服咁嘆。
今次已經係第2次叫呢間, 覺得幾有水準, 所以推介比大家

生蠔方面, 今次試左兩種, 係法國黃金卡普 ($16 @1 ) 同埋綠翡翠 ($22 @1)。 黃金卡普好有驚喜, size係中型, 入口帶少少甜味, 咀嚼後有強烈海水味, 蠔肉亦較為爽身, 完全符合我最中意既生蠔質感。綠翡翠則不過不失。呢間鋪定期會推介一D時令生蠔,  訂之前可以先留意下, 按個人喜好選擇。

刺身方面, 今次再叫返三文魚刺身 ($78), 海膽 ($68),絕對無令我失望。三文魚肥美又新鮮, 入口絕對唔會腥同有雪味, 而且呢個價錢好超值, 平時係超市買可能得一半份量。我最中意就係搵一D平價的海膽, 呢間只係 $68就有一板海膽, 雖然size好細粒, 但係好甜, 唔會有腥味。 自己買埋紫菜同青瓜包就perfect池。 

另外叫左赤貝刺身, 不過好大陣雪味, 唔推介!

之前都介紹過自己係屋企整生蝦, 係超市買就$38 一包, 係呢間度買 $19蚊!! 無錯, 係$19, 平一半! 所以我都另外再order多2包擺定係屋企。解凍就可以即食, 怕有雪味可以用少少凍食水沖沖先。
生蝦汁佢都有得賣, 不過要 $28 , 唔係好抵(貴過包蝦), 所以通常我都會自己整。

總括兩次的經驗, 呢間鋪頭送貨算準時, 食材大部分好新鮮。價錢算抵食, 不過可以多D留意下邊D係佢果期推介, 例如我第一次叫左急凍海燕 (寒天) 椰皇凍, 果時係優惠價 $28; 第二次訂果時唔係推介就會係原價$33喇, 所以提意各位訂前先上網站睇下有咩今期優惠先。

TIPS: 購物滿$400 即可送貨, 要前一天下午4:00 前下單

率先試-- California Pizza Kitchen黃埔全新概念店

好久沒跟大家分享食評喇~
今次有幸得到California Pizza Kitchen 的邀請,
率先到它們的黃埔全新概念店試食。

一進內就看到與以往截然不同的裝修, 店舖的面積頗大, 以綠色和黃色為主調, 給人愉快輕鬆的感覺。

牆上掛有不同的掛畫, 店內又種有不同的植物 (可惜剛有客人在旁用餐, 不好意思拍呢~) , 想不到在室內也能營造出清新的感覺。部分採用Open Kitchen 的設計也讓客人可以看清楚廚師用心準備食物, 令人更期待。

接下來就要介紹食物了~ 頭盤是韓國風味甜辣雞膇。

比起韓風, 我覺得這個菜更像泰式的, 因為雞膇帶香辣, 加上香蔥和香茅味, 很有泰國風情。
雞膇雖然不大, 但勝在皮細肉嫩, 作為頭盤, 香辣的味道可以開胃, 更刺激食慾呢~

第二道就是這味摩洛哥風味雞肉沙律。沙律除了chop菜和雞肉, 還有牛油果, 紅菜頭, 南瓜,杏仁和棗, 令這個沙律有更多層次和豐富的口感。可惜我一向不太喜歡吃菜, 而且很清淡, 只覺一般。

接下來就是我最期待的烤鴨肉薄餅!!!!
pizza常常吃, 可是以鴨肉做餡料的應該不多。
這個pizza用鴨肉和幾種芝士為主, 配上蔥和海鮮醬, 很新奇呢!
鴨肉的味道很突出,  很像片皮鴨! 如果大家喜歡Fushion 菜的話可以一試。
另外大家可以試試店舖自製的辣汁, 比辣椒仔更辣, 而且很香 (下圖橙黃色那支) 。
客人亦可以要求加芝士, 侍應會即場用原塊芝士磨, 比芝士粉更有誠意~

另外一道菜色就是這個香煎三文魚配帕爾馬芝士糙米飯!!!! 我一向都不喜歡吃熟的三文魚, 但這塊三文魚經過煎封和焗, 外皮非常香脆, 但內裹卻能保持到魚香和嫩滑的肉質, 十分美味。糙米飯則是比較milky, 配上濃香的芝士汁, 真的有驚喜~ 

最後就是這個比利時朱古力蛋酥餅配雪糕。其實就像較硬的心太軟加上淡雲尼拿雪糕球, 不太特別, 味道偏甜。