$10 大大隻生蠔~任食!

早前的一條網上短片, 有foodie介紹這間Oyster Station,
現在有Promotion $10 一隻生蠔!!! 可以任點數量。,
對生蠔狂熱的我當然立即去試食!!

看了很多review指明要訂位, walk in 不太可能。
打電話去book位都不容易, 打了十幾次才成功訂到樂富店。
不過提醒各位一定要book!!! 因為當晚真的見到好多人想walk in都失敗, 只好無奈地走了。

事不宜遲, 立即點一打生蠔試試:

$10 一隻的蠔size適中, 差不多有半隻手的大小。
蠔的海水味不重, 不過勝在新鮮同爽口, 以這個價錢真是超值。

菜單設計成報紙, 好得意!

主菜點的第一個是黑松露野菌意大利飯 ($98)

味道麻麻地, 雖然有好多野菌, 但只有極少黑松露味道, 而意大利飯亦過硬, 有點失望。

這個經典辣肉腸薄餅 ($148) 反而不錯, 薄餅是鬆脆的餅底, 配以辣肉腸, 有香濃的芝士同蕃茄醬為醬料, 份量亦不少。

始終目標還是生蠔, 所以吃完主菜又再點一打, 很滿足!
如果目標跟我一樣是生蠔的朋友, 絕對值得一試, 不過建議只點 $10 那種,
雖然餐廳有精選生蠔拼盤($218/6隻), 可以試到其他品種, 不過這個價錢差不多可以叫兩打$10 生蠔吃個夠呢~


Oyster Station Snack & Oyster Bar
地址: 樂富聯合道198號樂富廣場街市地下401-402號舖

大坑小巷 ------------- Pudding Nouveau 滋味龍蝦

平時很少去港島吃飯,
但早前見到這間大坑人氣小店有龍蝦燉蛋, 所以今晚朋友聚會決定一試。

店鋪位於大坑京街的小巷內, 對港島不太熟路的我有點難找,
不過為吃到美食, 多流一點汗水也沒所謂。
店面不大, 黑白為主色的簡約裝修, 別有一番風情。

(P.s 門面的照片拍得不太好, 先用店家的代替)





第一道就是我最期待的 龍蝦焦糖燉蛋配龍蝦肉燒蘑菇 ($248)!!!!!

果然沒有令我失望, 先用面包沾上少許龍蝦汁試味, 已經吃到非常香濃的龍蝦鮮味。醬汁也混有少許的龍蝦肉, 夠真材實料, 不會是很稀的那種。

半邊的龍蝦已經起了肉, 很細心 (最怕食海鮮時的狼狽食相!)。龍蝦肉新鮮彈牙, 蘑菇也充分吸收了龍蝦醬汁的精華, 非常惹味。

原本我對焦糖燉蛋不抱期望, 因為龍蝦是咸的菜式, 配上甜的燉蛋好像怪怪的~
但試過後覺得很有驚喜, 燉蛋裹竟然也吃到龍蝦味!!!! 嫩滑的蛋, 配上脆脆的焦糖topping 不會怪, 反而令整個菜式更有層次~

美味的龍蝦過後, 是 法式油浸鴨腿配窩夫班尼迪蛋 ($ 168)

油浸鴨腿切片既乾身又帶豐富的咸香, 保留到鴨肉獨有的味道, 不會很肥膩。

Egg Benedict也與一般店舖的不同, 用了窩夫取代鬆餅。
看過很多食評都推介 Pudding Nouveau的窩夫, 窩夫很鬆軟又夠蛋香, 正好用來中和鴨肉的咸味和一解油膩感。輕輕一切便可以讓流心的蛋黃流到窩夫上, 更滋味呢!

豐富既主菜後, 當然少不了甜品~
朋友原本想點蘋果金寶, 但我想要清新一點的~ 就點了 檸檬芭菲 ($56)  。

甜品的賣相很漂亮, 有一隻色彩繽紛的蝴蝶做裝飾, 當然要立即拍照啦~
餅底是像拿破倫的鬆脆, 配上清新的檸檬雪芭, 口感不錯, 唯一可惜是士多啤梨太酸~

整體來說, Pudding Nouveau的食物質素很好, 價錢適中,
間中想尋找有新意的小店, 是不錯的選擇!

 龍蝦焦糖燉蛋, 我一定要再吃一次!


Pudding Nouveau

地址: 大坑京街17A地下

今日整理食評時發現呢篇無出到 所以宜家就出返:

[一人一間情人節中伏餐廳]
琴日係情人節~ 我地去左尖沙咀一間叫Lab Eat 既餐廳慶祝。
一向節日慶祝既餐廳都係由男朋友安排既，因為佢對"揾食"比較在行， 每次都有驚喜，所以今次都唔例外由佢安排。
一去到坐低, 坐位好迫，同隔離係並排坐。不過大時大節都無辦法。通常一開始我地都會叫半打生蠔試下，今次叫左三種法國蠔。

第一隻係gilardeau味道都不錯,海水味夠又爽身，
咁就開始試第二隻majesty同第三隻normandy，點知味道超淡， 一d蠔味都無，好失望~~

跟住黎左個前菜四重奏,有水牛芝士，煙三文魚，Ham同海膽。水牛芝士同煙三文魚都不過不失, 但係ham完全無味， 而海膽仲有怪味，男朋友食左一啖就唔食;(

之後到湯,係龍蝦湯黎既。 佢會首先比個杯您，入面有雜菜同龍蝦肉，跟住有侍應埋黎酙熱湯落個杯度，個湯出奇地濃郁，好好味, 幾有心思。

主菜方面，我地兩個都要左鵝肝牛扒，牛扒夠juicy，Size唔錯大, 但味道都唔錯。
可惜鵝肝無油香又太硬。

之前我地睇過review見到好多好評, 可能期望過高, 所以有D失望。
總括黎講, 餐廳既服務幾好, 待應都好有禮貌, 但係以呢個價錢黎講,
食物未及水平, 希望遲D有改善~

LAB EAT Restaurant & Bar
地址: 尖沙咀金巴利道83-89號僑豐大厦地下1-2號舖